اضغط هنا واضف اهداءك ولاتنسى (ومايلفظ من قول الا لديه رقيب عتيد)

 
العودة   لــيبيــا > منتدى المدن الليبيه > مصــــــــراته
 

مصــــــــراته يتناول اخبار مصراته واخبار مدن المنطقة الوسطى حتى تتوفر جهات اتصال بالمنتدى

أفضل المواقع االليبية
إضافة رد
 
أدوات الموضوع إبحث في الموضوع انواع عرض الموضوع
  #1  
قديم 09-23-2011, 09:26 AM
الصورة الرمزية خليت قلبي لماما بس
خليت قلبي لماما بس غير متواجد حالياً
 
الدولة :  مصراته ونخلها حد *****
الجنس :  انثى
خليت قلبي لماما بس is on a distinguished road
افتراضي مصراته جمعت ليبيا كلها ~~ مصراته تحبكم حبوها ~~

السلام عليكم ورحمة الله وبركاته ...

والصلاة والسلام على أشرف الانبياء والمرسلين سيدنا حبيبنا وشفيعنا محمد ...

وبعد ..

أترحم على ارواح شهدائنا الأبرار وأسأل الله العلي القدير أن يعجّل في فك قيد أسرانا وشفاء جرحانا ..

اليوم نبي نهدرز معاكم هدرزة خوت بس تحمل الكثير من العتاب

وزي ما يقولوا العتاب على قد المحبة ...

بنحكي على مدينتي ومدينتكم مصراته ..

شفت فى أوقات سابقة ناس تتحسس من مصراته يعني بالعربي تغار تقول انها يحكوا عليها واجد وناسيين المدن الاخرى

والله عمري ما إنتظرت شخص يحكي على مدينتي لاننا لما طلعنا ما رجينا حد يقول مصراته طلعت ودات

كذا وكذا وحتى لو تكلموا عليها بجد مهما قالوا مش حيعطوها حقها من الكلام

اني بجد تمنيت شخص يكون مش مصراتي اللي يحكي على الموضوع هذا بس معليشي

المهم نشوف فى الكثير من الإتصالات اللي تدخل على برامج قنوات ليبيا مش تساند فينا او تواسي فينا

لا !!!

تقول : ليش مصراته اكثر مدينه تجيبوا في اغاني عنها وتحكوا عليها اكثر مدينه .؟؟

وفي برنامج اسمه مصراته غير يذاع على ليبيا اف ام شوي صار عليه القتل هذا !!!


تي ليش ؟؟

ماهو مصراته منكم وليكم هيا الشريان اللي ربط ليبيا وحماها من التقسيم

دفعنا النفيس والغالي عشانكم مش عشان مصراته ...

بجد لعند الآن مش مستوعبة هذا الشي وشن يعني شن مزال تبوا من مصراته ؟

انتم المفروض بتفرحوا لما يشكروها خلي الحساسيه بعيدة ما تشمتوش فينا حد

وكان شكروا مصراته معناها شكروك احني خوت كلنا من ليبيا وليبيا وحدة

احني نراجوا فيكم تشكروا معاهم مش تقولوا ليش تشكروا في مصراته !!!!!!



بالأمس اتصلت وحدة من الرجبان مع الاسف كانت قريب بتضرب المذيعين !!! ليش هكي يا رجبانية ؟؟

تقول ليش الكلام ديمة على مصراته والزاويه والزنتان

والله لو بنقول وبنحكي اللي شافاته مصراته ما شافت كيفه منطقه وهذا ما اعتقد يختلف عليه اثنين

امشوا تفرجوا على دمار المدينه وامشوا للشباب مصراته يعطوكم الفيديوات

اللي عطوهم للأستاذ مصطفى عبد الجليل لما قال سامحوا !!

قتل .. وخطف .. إغتصاب ... سرقه ... دمار ... عذاب ... إنتهاكات .....


حرام بجد حرام عليكم أنتم ما تحسوا ؟؟

خلينا نشعروا انه في حد معانا وحاسس بينا وبمأساتنا حتى فى اغاني حاسدين مصراته ؟؟


والله حياتنا بعد اللي شفناه مستحيل ترجع زي قبل لين نموتوا

حالتنا النفسيه زفت ومعاش نشوفوا في الحياة زي قبل

خلوكم من ناس مصراته كلها خلوكم فيا اني ..

اني كان عندي خمس خوت أصبحوا اثنين والحمد لله ..~~

بجد يا خوتي ما يحس النار الا اللي عافس فيها !!

مصراته تحبكم وضحت عشانكم عشان ما تتقسموا عشان نقعدوا قلب واحد وشخص واحد وراية وحدة

عشان نقعدوا انحبوا بعضنا ونخافوا على مصلحة بعضنا وتكون المصلحة وحدة

توا تطلعوا تحكوا على قناة جابت اغنيه على مصراته؟؟

بدل ما تغنوا معاها ؟؟؟

والله لو غنوا مئة اغنية ما حيعطوها حقها

لو كنتم معانا في المدينة وشفتوا اللي شفناه وعشتوا الايام هادي كنتم لما تسمعوا اغنيه عليها

تبكوا مش تتحسسوا

تحاصرنا ... تدمرنا ..دموعنا تمت..تشردنا ...جعنا ... عطشنا ... معاش رقدنا ...


والله بجد متأسفه على كل شخص يسمح لنفسه يحكي هكي على مصراته

طبعاً الكلام مش لكل الناس

لاني شفت ناس تحب مصراته اكثر من نفسها رغم انها من مناطق اخرى


سادنا من الكلام .. فى الأول أتهمتوا ثوارنا بالسرقة وتوا حاسدين مصراته في أغنية !!

خلينا يد وحدة روح وحدة قلب واحد ... مصراته هيا بنغازي والرجبان وطرابلس ....


مصراته تحبكم حبوها ...


تحياتي ~~





 
التوقيع

بو نجمه وهلال ~ علم عالي ويعلى مزال ~ حلم كاين من نسج خيال ~صبح واقع تاريخ أجيال ~ معاه صنعنا اللي محال ~ شربنا بلسم الإستقلال ~ الـــــله آكبر هدت الجبال ...


الحمد لله اني مسلمة ...

الحمد لله اني من ليبيا...

الحمد لله اني مصراتيه ...

المجد والعزة للشهداء ... والخزي والعار للقذافي وآعوانه ~~
رد مع اقتباس
قديم 09-23-2011, 09:31 AM   #2
مراقب عام
 
الصورة الرمزية سجواء
افتراضي

نتمنى من جميع الليبيا على السواء ان يكونوا على قدر المسؤلية
وهذا لا يكون الا برفع شعار ليبيا ثم ليبيا ثم ليبيا

تحية لك ولاهلنا الذين جاهدوا في مصراتة وجميع ثوار ليبيا.
التوقيع :
  رد مع اقتباس
قديم 09-23-2011, 10:48 AM   #3
عضو ماسي
 
الصورة الرمزية mmoka
افتراضي

كلنا يد وحدة وليبيا لا يمكن تقسيمها

وكل من تسول له المساس بوحدة ليبيا

سيكون مصيره سلة المحذوفات مع

زمرة القتلة والمغتصبين

لأنهم حاولوا أن يقتلوا روح الوحدة

ويغتصبوا حقنا في تقرير مصيرنا
التوقيع :

كل عام وانتم أحرار يا ليبيين
  رد مع اقتباس
قديم 09-23-2011, 10:48 AM   #4
عضو جيد
 
الصورة الرمزية خليت قلبي لماما بس

الدولة :  مصراته ونخلها حد *****
خليت قلبي لماما بس is on a distinguished road
خليت قلبي لماما بس غير متواجد حالياً
افتراضي



عاشت ليبيا حرة موحدة
التوقيع :
بو نجمه وهلال ~ علم عالي ويعلى مزال ~ حلم كاين من نسج خيال ~صبح واقع تاريخ أجيال ~ معاه صنعنا اللي محال ~ شربنا بلسم الإستقلال ~ الـــــله آكبر هدت الجبال ...


الحمد لله اني مسلمة ...

الحمد لله اني من ليبيا...

الحمد لله اني مصراتيه ...

المجد والعزة للشهداء ... والخزي والعار للقذافي وآعوانه ~~
  رد مع اقتباس
قديم 10-02-2011, 11:44 AM   #5
عضو متميز
 
الصورة الرمزية sameera
افتراضي الله يامصراته

تعرفي ياأختي
والله نحب مصراته ونموت عليها
وربي يعلم
كيف خشينا كلنا في حالة اكتئاب
في فترة جهادكم
ويعلم ربي قداش حسينا بي لك شي صار معاكم
وانتم يكفيكم خشيتوا التاريخ من اوسع ابوابه
بجهادكم المستتيم
على مدينتكم
تحياتي لك
ولاهلك ولمدينتي مصراته
التوقيع :
نحبك ياليبيا
  رد مع اقتباس
قديم 11-08-2011, 01:19 AM   #6
عضو جديد
 
الصورة الرمزية alla ahmed
افتراضي

انى مانى مصراتى بس مصراته هى حياتى -- ليبى حر -- ومصراته احد جراحاتى -- ليبى حر -- وبمصراته اكتملت حرياتى -- مصراته شريان الجهاد -- ودم الابطال وليبيا -- قلبى وحياتى --:d[/size][/size][/size][/b][/i][/u][/color]
  رد مع اقتباس
قديم 11-08-2011, 01:38 AM   #7
عضو رائع
افتراضي

الله وحد علي مصراته اللي داراته
الطاغي وجنوده هداته

اني مش مصراتيه لكن نحب مصراته وتحيه كبيره ليها
وكلنا خوت ويد واحده
  رد مع اقتباس
قديم 11-08-2011, 06:26 AM   #8
عضو ماسي
 
الصورة الرمزية بسومة السموحة
Lightbulb كلمات حب لمصراته .........

مصراته ..مصراته

مصراته .. مصراته

المجد لك، واكاليل الغار تتوج هامتك، ونواقيس الفخار تقرع من اجلك،


واقواس النصر تتنظر قدومك شامخة، سامقة، يقودك الامل، ويضيء جبينك نور الكبرياء

مصراته ..مصراته

تلك المدينة التي نبذت الخوف، ونبذت المذلة ونهضت تقول بلغة العواصف،

سحقا للطاغية، و مرحبا للحرية

مصراته .. مصراته

المدينة التي خرجت ترفع راية العصيان والثورة لتمسح اسمك من فوق خريطة الوطن،

وتكتب اسمها مجللا باسمى ايات البطولة والبهاء الانساني

لانك انت الموت ومصراته الحياة

انت الجريمة ومصراته العدل والانصاف

انت القبح ومصراته الجمال

انت الرعب ومصراته الخير والامان


انت الهزيمة ومصراته ايقونة النصر والفخار

انت العار والحقد وباطل الاباطيل، ومصراته موئل الامجاد وقبلة الاشراف

والمناضلين واصدقاء الحياة

مصراته..مصراته

انها السطوع والاشراق وانبعاث النور من رحم الظلام

انها فجر الغد الاتي الذي يفيض ضياء، وينضح بالخير والحب والجمال

وانت التلاشي والمحو والاختفاء والغياب، انت لحظة الغروب والانطفاء.

د. أحمد ابراهيم الفقيه




خيتي خليت قلبي لماما بس

لا تحزني لا تزعلي

كلنا نحب مصراته

مصراته الصامدة


الشامخة

الأبية

العاصية

التي استعصت على الطاغية

الكل والعالم يعرف مصراته

مصراته لا تحتاج للكلام عليها


هي معروفة للجميع

عاشت مصراته

عاشت كل مدن ليبيا

عاشــــــــت ليبيا حـــــــــرة
التوقيع :


وإذا اجتمع الشمل مرة أخرى
حاول أن تتجنب أخطاء الأمس التي فرقت بينكما
لأن الإنسان لابد أن يستفيد من تجاربه
  رد مع اقتباس
قديم 11-10-2011, 02:40 PM   #9
عضو فظي
افتراضي

انقولك حاجة اللي ماضاق العنقود يقول قارص

ولما بتتكلم على مصراتة والا الزنتان

تطلع قبلي ومتعصب والدسكة هديكا

بس غيرك ليه الحق انه يتكلم على اللي يبيه

يا طرف مصراتة صقع عليهم كلهم

واللي يده فى النار مش اللي يده فى المية

لهدا مش حيحس بيك الا اللي ضايق من اللي ضقته

وهي منورين تمت

تستــــــــــــــــور
  رد مع اقتباس
قديم 11-10-2011, 03:54 PM   #10
المدير العام
 
الصورة الرمزية م ح م د
افتراضي

والله مصراته فى قلوبنا

مصراته هى الجهاد هى الكفاح

هى الصمود هى العز

هى كل مافى هده الحياة

دمتى ودام قلمك

م ح م د
التوقيع :
  رد مع اقتباس
إضافة رد


(مشاهدة الكل عدد الذين شاهدوا هذا الموضوع : 29 :
, , , , , , , , , , , , , , , , , , , , , , , , , , ,
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
قبائل مصراته admin مصــــــــراته 32 06-22-2013 05:57 PM
هواء مصراته admin مصــــــــراته 8 09-13-2011 08:43 PM
مصراته اليوم libya my live مصــــــــراته 2 02-26-2011 06:14 PM
مصراته العزيزة ايوب ابراهيم مصــــــــراته 12 06-14-2010 07:36 PM
هزه أرضيه في مصراته admin مصــــــــراته 12 01-04-2010 07:08 PM

انت متواجد في المنتدي منذ :

Vous êtes sur mon blog depuis...Vous êtes sur mon blog depuis...Vous êtes sur mon blog depuis...Vous êtes sur mon blog depuis...

الساعة الآن 09:22 AM.


جميع مايطرح في منتدى ليبيا يمثل وجهة نظر صاحبه ولا يمثل وجهة نظر إدارة المنتدى

Powered by vBulletin® Copyright ©2000 - 2017, Jelsoft Enterprises Ltd. , Designed & TranZ By Almuhajir
  تصميم ستارنت [منتديات المغرب العربي]