اضغط هنا واضف اهداءك ولاتنسى (ومايلفظ من قول الا لديه رقيب عتيد)

 
العودة   لــيبيــا > المنتديات الاداريه > من نحــــــــــــــــن؟
 

من نحــــــــــــــــن؟ منتدى يعرف للزائر الكريم اهداف المنتدى واتجاهاته

أفضل المواقع االليبية
إضافة رد
 
أدوات الموضوع إبحث في الموضوع انواع عرض الموضوع
قديم 10-20-2011, 08:24 PM   #11
عضو متميز
 
الصورة الرمزية sameera
افتراضي

اني بس اسمعت الخبر قعدت نبكي
ونتمنى اني نشوفه ونتاكد
خايفه يكون اشاعه
وبس شوفته
طلعت ع البلكونه وفتحت المنضومه
بنشيد ليبيا
والمغرب طلعت لفندق ريكسوس
احتفلت غادي
وكنت طايره من الفرح
الحمدالله
هادا يوم مميز في حياتي
شكرا ياتوااااار بلادي
شكرا يارجالنااااا

التوقيع :
نحبك ياليبيا
  رد مع اقتباس
قديم 10-20-2011, 08:24 PM   #12
عضو فظي
 
الصورة الرمزية أروى
افتراضي

بكاااااااااااااء لدرجة لا توصف من كثرة الفرحة وزغاريد ووالله فرحة لا توصف

وغسلونى غسل فى الطريق وانا مروحة بالزهر والعطر

حاااااااااااااجة خيالية

والله أكبر ولله الحمد
التوقيع :

اللهم إرضينى فيما قضيت ......وعافينى فيما أبقيت

حتى لا أحب تعجيل ما أخرت..... ولا تأخير ما عجلت

  رد مع اقتباس
قديم 10-20-2011, 08:55 PM   #13
عضو ماسي
 
الصورة الرمزية انسان
Talking

اني كلامكم فهمته وفرحتكم تستاهلوها

لكن لمحيرني ان احني بس لفرحانين

ونص المنتدى زعلان اعلاش مش عارف

وطبعا مش على جماعة لمزال ما خشوا

لا نحكي على الاعضاء لخشوا وما داروا رد او عبروا عن فرحتهم

مافي حد شارك من الموجودين اليوم الا احني

يعني شن بنقوللهم

ياطحلاب ياطحلاب هياااااااااااااااا عيشو امعانا والله غالب

الله اكبر وقل انما النصر من عند الله

  رد مع اقتباس
قديم 10-21-2011, 04:42 PM   #14
عضو ماسي
 
الصورة الرمزية الرايس
افتراضي

تعرف ياطرف البارح قميت فيها الادان لصبح هياجه

خششتها بعضها ومن لاخير دوره دوره انقول معقوله من المجارى

ههههههههههههه
التوقيع :
  رد مع اقتباس
قديم 10-21-2011, 08:48 PM   #15
مراقبة عامة
 
الصورة الرمزية اهاليل
افتراضي

اول ماسمعت الخبر بكيت لين عييت

جو قدام عيني الشهداء وبالذات أمهاتهم

حسيت ان همه اكثر ناس اليوم بيتاثرو ا حزنآ وفرحآ

وبعدين طلعنا مسيرة نسائية ولما رجعنا خشينا لحوش الشهيد محمد الشيباني

اكيد هلبة مايعرفوشي ..
هذا من الناس اللي شنقهم في 84 وبعد 42 سنة تطلع جثته هو و17 آخرين

من اللي كانوا نفس المصير في ثلاجة في أحد المستشفيات

وطبعآ الفرحة كانت عارمة بالنسبة لاولاده وبناته ممزوجة بالحزن

والحمد لله ظهر الحق وزهق الباطل

وفي الليل سهرية كبيرة في حوشنا بمعية الجيران حتي في عرس ماصارت

مافيهاش اللي مايصفقش معانا اعطيه دعيوة من مولانا

علي خاطر كلهم يصفقوا ويتمنوا عندهم ايدين تانييين

كان يوم غييييييييييييييييير
التوقيع :
  رد مع اقتباس
قديم 10-21-2011, 09:36 PM   #16
عضو ماسي
 
الصورة الرمزية سوزان
افتراضي

الفرحة لاتوصف ياتمسوح

اول ماشفت عاجل قلت الله واكبر بااعلي صوت

وامي تقولي بالك يابنيتي زي ماصار في حكاية المعتصم

واني نقوللها تي خلاص تملة الخبر اكيد

المهم وشديتها اتصالات لجميع الاحباب واني نقوللهم افتحوا اتفرجوا

القدافي اعتقلوه

الله واكبر الله و اكبر الله واكبر الله واكبر

ولله الحمد

راهي كبيرة ياعالم ليبيا من غير القدافي

قد مانحكي مانقدرش نوصف شعوري

والله يرحم كل شهدائنا اللي ضحوا باارواحهم من اجل هاللحظة

ويشفي كل جرحانا وينوضوا لاسو ولاسوية



وعاشت ليبيا بلادي الحبيبة

حرة ابية
التوقيع :

التعديل الأخير تم بواسطة سوزان ; 10-22-2011 الساعة 11:17 AM
  رد مع اقتباس
قديم 10-22-2011, 01:38 AM   #17
عضو ماسي
 
الصورة الرمزية انسان
Talking

عيشوا افرحو غنوا ارقصوا

مات الجيفه مات

سبحان الله اخدت عزيز مقتدر

  رد مع اقتباس
إضافة رد


(مشاهدة الكل عدد الذين شاهدوا هذا الموضوع : 16 :
, , , , , , , , , , , , , ,
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
فيها كيف اتخش ؟؟؟ الفيجو libya11 4 07-15-2010 10:07 PM

انت متواجد في المنتدي منذ :

Vous êtes sur mon blog depuis...Vous êtes sur mon blog depuis...Vous êtes sur mon blog depuis...Vous êtes sur mon blog depuis...

الساعة الآن 05:36 AM.


جميع مايطرح في منتدى ليبيا يمثل وجهة نظر صاحبه ولا يمثل وجهة نظر إدارة المنتدى

Powered by vBulletin® Copyright ©2000 - 2017, Jelsoft Enterprises Ltd. , Designed & TranZ By Almuhajir
  تصميم ستارنت [منتديات المغرب العربي]