غابت علي لمتنا

غابت على لمتــــــنا ........ وغاب الحنان امعاهــا
لا تنتهى دمعتنــــــــا ........ ولا هناك من يسواها
كلمـــــــة تعالى يا امى
خلاص انتهت فى فمى
وانتهى معناها



ما تقول غير الباهــــــى ........ ولا يوم تزعل منا
ما ينفع بلاها الشاهى ......... فى كل مقعد لنا
سمحـه انكان تحلت
او تفرح عليك انطلت
ولا غيرها يحملنا



الجـــرح كيف انلمه ........ وانت بـــــعيده غـــــــــادى
ونعيش كيف اللمه ........ او نظحك او او نبقى عادى
يا نايرا مجـــــــــــلاسك
ماريت كيف احساسك
مازلت بيك انادى



نشكى اهمومى ألمن ........وين ما اتضيق اخلوقى
وين نلقى بديلك حـــن ........يا عايــشه فى عروقى
من يوم ساسك طاح
نا الـــــــود عندى راح
او راح باقى شوقى

نعيم الزوي

كلمات رائعة اختي الكريمة

ربى يحفظ امهاتنا والله يرحم امك خيتى غيدا واختار رائع للشاعر المبدع نعيم الزوى

اختيار متميز


مزيدا من الألق

كلمات رائعة وجميلة اختي الكريمة

تسلموا وبارك الله فيكم