اضغط هنا واضف اهداءك ولاتنسى (ومايلفظ من قول الا لديه رقيب عتيد)

 
العودة   لــيبيــا > الأقســـام الأدبيـــة > منتدى الشعر الشعبي
 

منتدى الشعر الشعبي ساحة للإبداع في الشعر الشعبي

أفضل المواقع االليبية
إضافة رد
 
أدوات الموضوع إبحث في الموضوع انواع عرض الموضوع
  #1  
قديم 09-26-2009, 12:32 PM
الصورة الرمزية الصالحي
الصالحي غير متواجد حالياً
 
الدولة :  اماطين (الغيران )
الصالحي has a spectacular aura aboutالصالحي has a spectacular aura aboutالصالحي has a spectacular aura about
إرسال رسالة عبر Yahoo إلى الصالحي
Thumbs up اطول قصيد في الشعر الشعبي

قصيدة (( ليبيا الوادي )) هي اطول قصيدة من نظم شاعر واحد في تاريخ الشعر الشعبي الليبي وصاحب هذه القصيدة هو الشاعر الشاب ( عبدالباسط اغنية - 25 سنة ) وهو من منطقة بني وليد.
ويربو عدد ابيات القصيدة عن 1000 بيت اشترك الشاعر بـ600 منها في المهرجان الثاني للشعر الشعبي - 2001 فنال الترتيب الاول

هنا جزء من هذه القصيدة:

الوادي بوشيوخ نواوير .. ماضيه شهير .. وبولاده في خيار الخير
........................
الوادي اللي يخص التشريــف ... دوام علي ساير ليـــــــــام
اللي معروف بلا تعريـــــــف ... ولا قول ولا خط اقــــــــــلام
اللي ناسه كي حد السيـــــف ... تكسر في خشوم الظــــلام
عرب بيت مبجد عالكيــــــــف ... رواقات وجبر وكمـــــــــام
زوازل مالسدر مهاديــــــــــف ... بكرباته لا فوق انقــــــــام
امقشط بحبال من الليـــــــــف ... وحلفا ولمها الــــــــــــولام
بتاته حاضيه تزخريــــــــــــف ... علي لون الوان الرســــــام
يبانن كيف الوان الطيـــــــــف ... وسايد ومرقم وكـــــــــلام
عرب بنت ام وجاب لطيــــــــف ... الحره المسروبه الحشـــام
اللي كيف الجازي في الصيف ... زوي مكه عالصيد حـــــرام
عرب ديمه تكرم في الضيـــف ... تضل لخاطرها خـــــــــــدام
عشا الخاطر ماله تصريــــــف ... ولوكان يباتو صيـــــــــــام
عرب كوت إليا فز خفيـــــــف ... الدير يخلي فيه اقســــــام
بلا مس اركابات عفيــــــــــف ... نحيبه ديما لاقـــــــــــــدام
عليقة من غير تضيريـــــــــف ... تجي مخلاته هيل اجمــــام
امنين الخاوي يدير زنيــــف ... وتبدا تجارد لقــــــــــــــوام
يجو فوق سماح هفاهيـــف ... بلون مغاثات الحجــــــــــام
دلايل يرحن في الصرفيـــف ... عقود تقول اسراب حمـــــام
يهدو عالنار مشاريـــــــــف ... الهرمة واللي دوبه صـــــام
يخلو في الضد محاذيــــــف ... مفرش كي جذر الغـــــــرام
عرب ماتمشيش علي حيــف ... ولا تقبل في الحي اســـوام
عصارة ماهمش سفاسيـــف ... نغاغير يعدو المــــــــــــلام
رواسي ليا صار تدفديف .. وصار نفير .. تقول جبال حجر وحجير

الوادي المحروس الموصــان ... اللي مش غابي في المنعات
اللي متمرس ما يليــــــــــان ... عصي كي توا كي مافـــات
اللي قبل يبوه العـــــــدوان ... مجزي بالتقسيــــم اتــلات
يبوه اويا وبرقة وفــــــزان ... يبو ديره تلت ولايـــــــــات
الوادي اللي عز الرهقـــــان ... وعز الخايف في الخاخــات
اللي فيه يباتن فرقــــــــان ... نجوع ضفايف منطرحات
اسماهن ماهو للغبيـــــــان ... بفعل عربهن منبيــــــــات
حضنهن من بر الســـــودان ... ليا ساحل درنة وشحـــات
من الكفرة لوين البطنــــان ... تلاقت هيه وبو موجـــات
من امساعد لابن قــــــردان ... لمانغني وهالمفـــــــازات
من البردي لعــين الــــــزان ... ومن وازن للعوينـــــــات
امتدت عجلاها مـــــــــــدان ... بطوله صفات بصفــــات
محاميد وعرفة ومعــــــدان ... حبون ودرسة وعبيــدات
والاهالي وشرفـــــــة ودان ... وحاسة وقماطة وبركات
عوام وترهونة وفرجــــــان ... هوانة ويدر وعجيـــلات
نوايل واهالي غريـــــــــان ... وورشفانة ومشيطـــــات
مشاشي وبوسيف ودرمــان ... وفيه شواعر ورقيعـــات
وفيه مساعيد وصيعـــــــان ... ولفواتير ولبشيــــــــرات


وضنى سي جبريل وصرمان ... ونجع امالك وعريبـــات
رعايا ورياح ورجبـــــــــان ... وشد وحوته وقناشــــات
زوية وزناتة وحشــــــــــان ... وفيه ربايع وشهوبــــات
ورملة ويامي ومليــــــــدان ... وحراس ونجع حــــــرارات
عمايم وحسون ويمنــــــان ... ونجع ورنزة وسنينـــات
وفيه جوازي وذكيـــــــران ... وسيلين وفيه جهانـــــات
حرار وعباد وزغــــــــــوان ... ونجع اماجر وحميـــــــدات
وندباس وحمي وقطـــــران ... وفقهة وتاسة ورفيفـــــات
وفيه ذويبات وطرشـــــــان ... وزرقان ونجع السعفـــات
سوالم وادناف وشعتـــــان ... وزغوان ونجع اقلاصــــات
وضنى كعب اولاد سليمـان ... وعرب القرية والقريـــــات
ومنفة وسعيط وقطعـــــان ... وفيه افاخر ورحيبـــــــات
وفيه ضنا موسى وزنتـــان ... وورفلة وفيه جماعــــــات
وشوق قبايل بيــــــهن زان ... فبالي ماهن منسيــــــــات
قصرت عليهن في القــولان ... بعد حكمن فيا القفـــــــلات
لهن مانطري غير احســـان ... الخير حذاهن طق وبـــــــات
عربهن بنيوا ليهن شــــان ... تعلى عالزوزة قامــــــــــــات
اقوام ناض رقيق الريغـــان ... يجو كيف شبوب النـــــــوات
حمول نحاس خفـــاف ارزان ... يجو عالشهوة في الندهات
قرومة كسارة طليـــــــــان ... جرايرهم مش مغبيـــــــــــات
في محروقة وام الجرسان ... وفي مرسيط والبويــــــــرات
وقندولة وتونين وغـــــان ... وبير الميص والكويفــــــــــات
وفي الهيرة ووادي الغزلان ... وقصر اسمى الحميـــــــرات
وفي لحشادية وشتـــــوان ... وجليانة وفي لحسيـــــــات
وفي بوغرة والحــــــوران ... وللا وبيار الــــــــــــــزوزات
وفي القرضابية ونيـــــان ... وفي سانة وفي السلامـــات
وفي الفطيمية ودوفــــان ... وفي عيون الذبان وغـــــــات
وفي انجيلة وقصر السلطان ... وفي الكفرة وبير كتيتـــات
وفي نالوت وفي الغيـران ... وفي لمشرك والقصبــــــــات
وسبها وسيدي بوحســان ... وفي بوهادي ولحقيفـــــــات
وفي الهاني وفي راس الهان ... وفي سلنطة وبير الزغرات
عرب ماودو للعدوان .. الا الذكير .. الماضي شفره والقزيــــــر
ولاتوا لاصار بيان .. يجو في مسير .. ومن فوق مناقيش الدير
يحامو واديهم فرسان .. اصحاب ضمير .. ومبدا مش نفاخة كير

 

التعديل الأخير تم بواسطة الصالحي ; 02-08-2010 الساعة 10:55 AM
رد مع اقتباس
قديم 09-26-2009, 10:28 PM   #2
عضو ماسي
 
الصورة الرمزية حياة الروح
افتراضي

كلمات رائعة جدا

الله يعطيك الف الف عافية

مميز بروعت مواضيعك وشعرك

نفتخر بك بيننا
التوقيع :





  رد مع اقتباس
قديم 11-12-2009, 04:42 PM   #3
عضو جيد
افتراضي

صح لسانك خويا
  رد مع اقتباس
قديم 12-09-2009, 03:26 PM   #4
عضو ماسي
 
الصورة الرمزية الصالحي

الدولة :  اماطين (الغيران )
الصالحي has a spectacular aura aboutالصالحي has a spectacular aura aboutالصالحي has a spectacular aura about
إرسال رسالة عبر Yahoo إلى الصالحي
الصالحي غير متواجد حالياً
افتراضي

حياة الروح -- king

شكرا لمروركم ونورتو
التوقيع :
اماطين بلدي الجميل

  رد مع اقتباس
قديم 12-10-2009, 06:03 AM   #5
عضو ماسي
 
الصورة الرمزية انسان
Talking

منور يا شاعر المنتدى
كلك ذوق
  رد مع اقتباس
قديم 01-22-2010, 02:24 PM   #6
مدير عام
 
الصورة الرمزية صالح العوكلي
افتراضي

شكرا لهذا الطرح
لك مودتي
التوقيع :
اللهم لا تخز والدي يوم يبعثون





العوكلي
  رد مع اقتباس
قديم 02-04-2010, 11:44 PM   #7
عضو ماسي
 
الصورة الرمزية nara

الدولة :  ليبيا - طرابلس
nara is a name known to allnara is a name known to allnara is a name known to allnara is a name known to allnara is a name known to allnara is a name known to all
nara غير متواجد حالياً
افتراضي قصيدة رائعة

الصالحي



على هذا الاختيار ... الأكثر من رائع ...
لك مني احلى تقييم ...

دمت في حفظ الله
التوقيع :


  رد مع اقتباس
قديم 02-08-2010, 10:58 AM   #8
عضو ماسي
 
الصورة الرمزية الصالحي

الدولة :  اماطين (الغيران )
الصالحي has a spectacular aura aboutالصالحي has a spectacular aura aboutالصالحي has a spectacular aura about
إرسال رسالة عبر Yahoo إلى الصالحي
الصالحي غير متواجد حالياً
افتراضي

احلى تحية الى كل من شارك في القصيدة
التوقيع :
اماطين بلدي الجميل

  رد مع اقتباس
قديم 06-08-2010, 08:27 AM   #9
عضو جديد
 
الصورة الرمزية الزايدي
افتراضي اطول قصيده

[مشكور اخي الصالحي ولك مني اعطر تحياتي
التوقيع :
الـــــــــزائـــــــــــدي
  رد مع اقتباس
قديم 06-10-2010, 10:35 AM   #10
عضو ماسي
 
الصورة الرمزية الصالحي

الدولة :  اماطين (الغيران )
الصالحي has a spectacular aura aboutالصالحي has a spectacular aura aboutالصالحي has a spectacular aura about
إرسال رسالة عبر Yahoo إلى الصالحي
الصالحي غير متواجد حالياً
افتراضي

الله الله سررت جدا بهذه الزيارة خونا الزايدي ووووينك ووين جديدك
التوقيع :
اماطين بلدي الجميل

  رد مع اقتباس
إضافة رد


(مشاهدة الكل عدد الذين شاهدوا هذا الموضوع : 99 :
, , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , ,
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
نوع جديد وجميل في الشعر الشعبي الصالحي منتدى الشعر الشعبي 5 05-09-2012 04:30 AM
اطول قصة حب ؟؟؟ القلب الشجاع منتدى الغرائب والعجائب 4 12-17-2010 02:52 PM
قصيد الدنيا بريق الماسه منتدى الشعر الشعبي 11 03-06-2010 01:00 PM
اطول واكبر سيارة فو العالم كريتس منتدى الغرائب والعجائب 4 12-24-2009 07:33 AM
مقتطفات من الشعر الشعبي أمل ليبيا منتدى الشعر الشعبي 8 04-07-2009 07:50 PM

انت متواجد في المنتدي منذ :

Vous êtes sur mon blog depuis...Vous êtes sur mon blog depuis...Vous êtes sur mon blog depuis...Vous êtes sur mon blog depuis...

الساعة الآن 05:53 PM.


جميع مايطرح في منتدى ليبيا يمثل وجهة نظر صاحبه ولا يمثل وجهة نظر إدارة المنتدى

Powered by vBulletin® Copyright ©2000 - 2018, Jelsoft Enterprises Ltd. , Designed & TranZ By Almuhajir
  تصميم ستارنت [منتديات المغرب العربي]