اضغط هنا واضف اهداءك ولاتنسى (ومايلفظ من قول الا لديه رقيب عتيد)

 
العودة   لــيبيــا > المنتديات الاداريه > منتدى المواضيع المكرره
 

منتدى المواضيع المكرره منتدى تنقل له كل المواضيع المكرره

أفضل المواقع االليبية
 
 
أدوات الموضوع إبحث في الموضوع انواع عرض الموضوع
  #1  
قديم 04-02-2010, 09:10 AM
الصورة الرمزية nara
nara غير متواجد حالياً
 
الدولة :  ليبيا - طرابلس
الجنس :  انثى
nara is a name known to allnara is a name known to allnara is a name known to allnara is a name known to allnara is a name known to allnara is a name known to all
افتراضي هناك ناس




هناك ناس
الشاعر ... سعيد اشلبي





هناك ناس تكرههم من اوّل ليله
وهناك ناس ما يهُونوا سْنين طويله



هناك ناس حبايب
وهناك ناس تكرهْم بْغير سبايب
ولا عقل عامر كيف عقل الخايب
ولا وْجوه تَنْدى كي وجوه بخيله


هناك ناس يا مَحْلاهم
وهناك ناس ما تَقْدر تعيش بلاهم
وهناك ناس حسْدِيَّه وسُود نْياهم
ثْياب بِيض من بَرَّه وجَوَّه نِيله



هناك ناس ما تَقْبلهم
وهناك ناس لك غايه تْجول لْهَلهم
وهناك ناس لا دارَوْا خَطَا تحملهم
وهناك ناس في عَقْلك لهم تجْفيله
وهناك ناس عالحَيِّين لا تجْملْهم
اللي تْجيك منهم مالْها تبديله
ولا يفْرقْوا ظنِّي الا بْعَمَلْهم
ما حَدْ علي التّسْعه مْزَوّد لَيْله


هناك ناس ما يَنْسوا اللي صارْلهم
يردُّوه بعْباره ووافي كَيْله
وهناك ناس لا هبّْ الهْبوب خَبَلْهم
ونسْيَوا اللي عدَّى وضاع جميله
ولا خير في اللي ما يْبات عَلَلْهم
ولا في الخَلِيل ان كان فاتْ خليله



هناك ناس يا مَبهاهم
وهناك ناس تُوعدْهم وما تَلقاهم
وان قابلتهم تَلقى العَذَارْ معاهم
مْجَهّْزيَّنه ما عندهم تعْطيله
كلامْهم اللي قالَوْه ضدّ نْياهم
ان كان بَحّروا ينْوُوا على التّقبِيله
احتار في مْوَدّتهم اللي ماشاهم
مربّْيِينَّه شاطب وحَار دليله
لصحاب كيف في صفّ العدو تلقاهم
صحْبتْهم مْعاك مغير نَصْب وحِيله
قِريب نقْصهم منَّك بعيد وفاهم
مَشْيُول عالدّبَر في حمْلهم تمْيِيله
مفتوح عالخْساره بَيْعهم وشْراهم
السّتْرَه مْع بو صَحْبَين قليله


هناك ناس اماره
وهناك ناس ما ظنِّي يساوُوا باره
وهناك ناس تلقى سَعْيهم في الكاره
وأرزاق واجْدَه غير النّفوس بخيله
والمال في قليل العزْم راهْ خْساره
حتى وهُو حَكيم بعلْم في تعديله



وهناك الفقير وما يسَيّب عاره
حتى إن كان ما عنده الْيَدّ طويله
وإن ما كان في جَيْبه قضي من جاره


علي قيْس نِيتَه ربّْنا يعطي له
مَوْكار الصْقُوره ما تْجيه حْبَارى
ولا مْرَوّمَه تَلْحَق ثمَنْ لاِصيله
وحظّك اللي ترْميه مالبذّاره
يَطْلع بْعَينه تحْصدَه وتْشِيله


شْوف الجمّل حتى إن خفّ عْباره
صِليبه علي حمْلَه اخْرى ترْمِي له
شديد العَصَب حَمَّال في مشواره
قطّاع الفيافي وين مَدّ رحيله
إن راد ربّْنا ما حَدْ يسيِّب كاره
الرّاس راسْ والواطي ان زال وذيله



هناك ناس يا مَبسَلْهم
لا غَريب يَقْبلهم ولا من هَمْهم
وهناك ناس في الحَيِّين شَيْن عَملْهم
ذكَرْ نخِيل لا رَمْيَه ولا تظْلِيله
عَلْقم وحَنْظل وين ما تاكلهم
وان رافقتهم يبْقَوا عليك عَدِيله
وان نازلتهم بالدّار جار لْهَلهم
علَيْ عيْب عَيّل يجْردُوا بالعَيْله
علي جارهم ديما يزيد عَلَلهم
قْلال الْعنَا لا جَتْ الدَّلو ثقيله


هناك ناس تكرههم من اوّل ليله
وهناك ناس ما يهُونوا سْنين طويله




 
التوقيع



قديم 04-02-2010, 09:19 AM   #2
مديرة عامة
 
الصورة الرمزية معلمة رياضة
افتراضي

رائعة هى الأبيات لماتحمله من معانى جميلة والأروع تألقك دائما أختى الفاضلة نارا فجزاك الله كل الخير وجمعتك مباركة
 
قديم 04-02-2010, 10:13 AM   #3
عضو ماسي
افتراضي

اغليت علي صحيح
خايف انقدم في غلاك انريح
لين ننتهي

مبدعة مشرفتنا دائماً

لكى ارق تحية
 
قديم 06-04-2010, 10:37 PM   #4
عضو ماسي
 
الصورة الرمزية nara

الدولة :  ليبيا - طرابلس
nara is a name known to allnara is a name known to allnara is a name known to allnara is a name known to allnara is a name known to allnara is a name known to all
nara غير متواجد حالياً
افتراضي


معلمة رياضة

الأروع هو وجودك اختى الحبيبة



دمت بخير

التوقيع :


 
 


(مشاهدة الكل عدد الذين شاهدوا هذا الموضوع : 6 :
, , , , ,
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
اهناك ناس صنعتها اتعد اللوما عون منتدى الشعر الشعبي 10 06-16-2012 07:22 PM
ناس منسجمة ومروقة......! ANWOOS منتدى الصور 8 01-09-2012 11:15 AM
هناك تكرهم من أول ليلة وهناك ناس ما يهونو سنسن طويلة الصالحي منتدى الشعر الشعبي 4 12-17-2011 05:04 PM
هواك كريمة منتدى الشعر العربي 3 12-16-2011 08:28 PM
ناس تكرهم من اول ليله وجي منتدى المواضيع المكرره 6 11-17-2009 04:54 PM

انت متواجد في المنتدي منذ :

Vous êtes sur mon blog depuis...Vous êtes sur mon blog depuis...Vous êtes sur mon blog depuis...Vous êtes sur mon blog depuis...

الساعة الآن 09:23 PM.


جميع مايطرح في منتدى ليبيا يمثل وجهة نظر صاحبه ولا يمثل وجهة نظر إدارة المنتدى

Powered by vBulletin® Copyright ©2000 - 2017, Jelsoft Enterprises Ltd. , Designed & TranZ By Almuhajir
  تصميم ستارنت [منتديات المغرب العربي]