عرض مشاركة واحدة
  #1  
قديم 07-28-2017, 01:42 AM
خليفة حدود غير متواجد حالياً
 
افتراضي قصة حب وخيانة علي طريقة شعرية

اعتقد ان الموضوع هذا صاير لأكثر من شخص وكاثر المدة هذه😕


هذي قصة شاب كان يحب بنت واكتشف انها تخون فيه مع واحد ثاني فبعتلها مرسال وقاللها
خنتي الغلا وايامه،،اليوم ترحلي ياغلاي الف اسلامة،،
خنتي غلايا وحبي،،وانا امعاك ماقصرت يشهد ربي،،
نهدر معاك وما عليك امخبي،،ناعشقت فيك وماعليا ملامة،،
ماعاد قربك نبي،،خسارت الكبدة اللي عليك مربي،،كاس الخيانة شربت وانتي تصبي،،قليبي توفا معاك سقتي احلامه
ليش هكي درتي،،
وليش ياحبيبة اليوم بيا غدرتي،،
ردت عليه وهيا نادمة وقالتله
يا ((صيامي وعيدي))
القلب طامع فيه ماهو بيدي،،
نا اسفة يا كبيدة،،
نرجا سماحك يا عزيز ارريده،،اللي صار غلطة و نوعدك ما نعيده،، يا عيون صبي ويا دموعي زيدي،،
من سنين بعيدة،،
قديمة حكاية حب ماهي جديدة،،
انت الغلا وانا معاك سعيدة،،ان كان يا غلاي اتعود تبقا سيدي،،
رد علاها قاللها
ياخاينة وليله،،
علي خاطره خنتي سنين طويلة،،اللي معاك حلمي اندير حوش وعيلة،،خلاص يا غلاي اليوم مانك ريدي،،
قالتله وهيا تبكي وحالتها حالة
حبي ناسي،،
يا امناي ما نحساب قلبك قاسي،،
ما حنيت،،يا عزيز فاتو ايامنا ونسيت،،
طلبت المودة والسماح رجيت،،انت الفرح والحب وانت باسي
قاللها
كنت امناك،،
وما كنت نحلم يوم نبقا بلاك،،
سنين الغلا والحب كانو معاك،،خنتي وجرحتي القلب ماني ناسي،،
اليوم يا غلايا باي،، وما فيوم ننسا ايام كنتي معاي،،

قصة حقيقية 💔😞

#khalifa✌
،
،
،
،
،
،
،
،،،
،
،
،
،
،
،
،
#نبو_نعيشو_فحرية 😌✌

 

التعديل الأخير تم بواسطة خليفة حدود ; 07-28-2017 الساعة 01:50 AM
رد مع اقتباس